هل الموقع ثقه ؟

السلام عليكم ورحمه الله وبركاته ..

تكمله لي  shopping online
راح اتكلم عن نقطه مهمه في المواقع
طبعا
وانتم تتسوقون راح يصادفكم مواقع ثقه ومواقع تسرق
قبل ما تدفعين دائما حاولي تتاكدين من هالنقطه
اللي هي مدى الثقه في الموقع
ونعرف مدى الثقه من الموقع بتاريخ تاسيسه كل ما كان تاريخه قديم كل ما كان احسن
وردود الفعل على الموقع

الطريقه  سهله تنسخين رابط موقعك وتلصقينه بمحرك البحث هنا
وراح يوضحلك جميع المعلومات اللي تحتاجينها


وبس
موفقيين ()

شركات الشحن المزايا والعيوب

السلام عليكم ورحمه الله وبركاته ..

بتكلم اليوم عن شركات الشحن المزايا والعيوب
بعدين راح  نقارن بينها من ناحيه الاسعار

التدوينه ناقصه كثير بس انا بحدثها بين فتره والثانيه
لان الموضوع يحتاج خبره وممارسه
وانا تاركه المجال من سنتين فيه اشياء كثيره تغيرت علي


الشركات : ارامكس , worldship ,  My us , nybox , borderlinx

الشركه : ارامكس 
تعطي حساب في : عشر دول اللي هم الولايات المتحدة الأمريكية، وبريطانيا، والصين، هونغ كونغ، وتركيا، والإمارات العربية المتحدة، والهند، وجنوب إفريقيا، وألمانيا، وايطاليا
انواع الحسابات اللي فيه : نوع واحد بس 
نوع الاشتراك : اشتراك واحد مدى الحياه 
خدمه التجميع : لا يوجد خدمه تجميع 
الناقل : ارامكس 
المزايا :في السنوات اللي راحت كانت ارامكس تمنه المكياج والعجور اما الحين فمنزلين خدمه جديده اللي هي شوب اند شيب سلكت لنقل العطور والمكياج 
العيوب : لايوجد  خدمه تجميع 

الشركه : worldship
تعطي حساب في : الولايات المتحده 
انواع الحسابات اللي فيه : فيه نوعين الـ basic و الـ plus
نوع الاشتراك : مدى الحياه 
خدمه التجميع : يوجد خدمه تجميع 
الناقل : DHL , FedEx  , ارامكس 
المزايا :تصوير الشحنات 
فيه نقاط مكافأه 
تأمين على الشحنه 
العيوب :لمى توصل الشحنه لازم انت تطلب شحنها وهذا ياخذ يوم على الاقل اما ارامكس يشحنها على طول 

الشركه : My Us 
تعطي حساب في : الولايات المتحده 
انواع الحسابات اللي فيه : ثلاث انواع (standard , premium , premium +mail )
نوع الاشتراك : الاول مجاني و الثاني والثالث برسوم شهريه او سنويه اللي تختار 
خدمه التجميع : يوجد 
الناقل : DHL و FedEx
المزايا :
العيوب :

الشركه : NYBOX
تعطي حساب في : الولايات المتحده الامريكيه 
انواع الحسابات اللي فيه : نوعين الدرجه الاولى والعاديه 
نوع الاشتراك : 
خدمه التجميع : يوجد 
الناقل : DHL , البريد السعودي , FedEX , UPS
المزايا : يعطيك عنوان حقيقي مو صندوق بريد 
العيوب :


موضوع حلو يوضح الفرق بين NYBOX و MY US هنا

 

الشركه : borderlinx
تعطي حساب في : الولايات المتحده والمملكه المتحده 
انواع الحسابات اللي فيه : 
نوع الاشتراك : 
خدمه التجميع : يوجد 
الناقل : DHL
المزايا :
العيوب :

هذي التدوينه بعتبرها مرجع لشركات الشحن 
وكل ما جد شي راح ارجع واكتبه هنا 

 
وبس =) 

shopping online

السلام عليكم ورحمه الله وبركاته ..

 بتكلم اليوم عن   shopping online 

كيف تقدرين تتسوقين اولاين
قبل ما أبدا بهذي السلسله بتكلم عن الاساسيات شوي

لمى تفكرين تطلبين من النت لازم يكون عنك :
1- حساب بنكي .
والحساب البنكي تفتحينه اولاين بعد
من هنا لبنك الراجحي
بعد ماتفتحين حساب راح تروحين البنك تكملين الاجراءات

اطلبي 2- البطاقه الائتمانيه مسبقه الدفع وتفعلين رقمك عندهم
بعدين راح توصلك عن طريق فيدكس
وتفعيلها عن طريق المباشر للافراد

ومبروك عليك الفيزا
فيه شي جميل بالفيزا اللي هي النقاط كل ما سويتي عمليه شراء
وهذا الموضوع كيف تقدرين تستبدلين هذي النقاط بقسائم شرائيه
هنا 

بعد هذا تفتحين حساب بنكي الكتروني paypal
طريقه التسجيل والتفعيل هنا 
طبعا تسالون ليش نفتح حساب فيه ؟ بإختصار
اهو اكثر امان من الفيزا
فيه مواقع ما تقبل الفيزا السعوديه فنستخدمه
لو شريتي شي وما وصلتك او وصلك غير اللي طلبتي  تقدرين عن طريقهم ترفعين قضيه وترجعلك فلوسك اذا ثبت الامر


وهنا طريقة تغيير صرف العملة 

وقبل ما تبدين تتسوقين لازم تعرفين  المواقع تنقسم الى قسمسن
قسم تشحن مباشر وقسم ما تشحن مباشر

اللي تشحن مباشر فيه منها تعتمد على البريد الحكومي لك
وهذا لازم يكون عندك صندوق بريد وعاده يكون الشحن رخيص
هذا موضوع بكل ما يخص الشحن المباشر 
وهذا شرح الاشتراك في خدمة واصل + واصل عالمي مجانا 100% واصل جزء من البريد السعودي لكن افضل واضمن من البريد العادي 

وفيه منها تعتمد على شركات الشحن مثل  DHL وهذا يوصلك الى باب البيت واللي يحدد هذا الشي الموقع

وهنا طريقه كتابه العنوان المباشر

اما اللي ما يشحن مباشره فيلزم شركه شحن تستلم الشحنه وتسلمها لك
الشركات كثيره  كل وحده لها مزايا ولها عيوب  *بفصلها بتدوينه ثانيه
وكل واحد على حسب احتياجاته والاولويات عندك :

1- ارامكس
الاشتراك من هنا 
شرح الموقع وطريقه التسجيل هنا 

2-worldship
الاشتراك من هنا 
طريقة التسجيل هنا 

3-My Us
الاشتراك من هنا 
طريقه التسجيل هنا 

4-nybox
الاشتراك من هنا 

5- borderlinx
الاشتراك من هنا 

طريقه كتابه عناوين الشحن هنا 

وبس اتمنى انكم استفدتوا
التدوينه الجايه مقارنه بين شركات الشحن

bb cream

السلام عليكم ورحمه الله وبركاته ..

بتكلم اليوم عن BB cream 

جربت الاربع انواع ..

من اليمين 

LAROCHE-POSAY

ما ركه طبيه وعن نفسي عندي عداء مع المنتجات الطبيه دائما الوانها غلط 

شاريه الدرجه الغامقه مع ذالك مطلعني شهباء 

زي لمى احط واقي 

تغطيته بسيطه ما يغطي شي من الاثار 

انا طالبته من برا واتوقع موجود في وايتس 

الثاني CLINIQUE

فاشل فاشل فاشل 

 ما يغطي ولا شي كل الاثار واضحه 

شوفوا هذي الصوره بالياله مغطيلها النمش 

فيه منه ثلاث درجات الاولى والثانيه فاتحات مره والثالثه غامقه 

مافيه درجه قلت هذي درجتي 

واتوقع انه ما يناسب البشره الدهنيه 

فيه نسبه واقي شمس 30  يشفعله شوي 

اخذته من دبنهامز 

النوع الثالث من GIVENCHY 

حلو تغطيته ثقيله شوي 

فيه واقي شمس 15 

الحلو فيه اذا البشره تعبانه ومصفره يداري هذا الشي 

وعيبه فيه لمعه زيتيه عاليه يمكن لان بشرتي دهنيه 

بس يظل حلو 

الرابع من CLARINS 

اجمممممممممممممممممممممممممممممل شي 

تغطيته جميله مو ثقيله ولا خفيفه 

يغطي اثار الحبوب ما يشهب 

فيه واقي شمس 25 

فيه منه اربع درجات 

ناسبني المديم مره 

في هذا الموقع حاصل على 4 نجمات 

هنا

فيه 35 reviews

وبس اتمنى انكم استفدتوا  

منتجات اعجبتني من موقع farfetch

السلام عليكم ورحمه الله وبركاته ,,
يتكلم اليوم عن موقع جميل وتعامله اجمل
موقع farfetch
http://adf.ly/qC8gc
 الموقع عباره عن مجموعه من البوتيكات بايطاليا واسبانيا وامريكا ودول كثيره
ميزه هذا الموقع اسعاره افضل شي مقارنه بغيره
كثير اسوي مقارنات بين المواقع ويفوز
الميزه الثانيه الشححححححححن جدا جدا جميل اسبوع بالكثير وهي عندي
طبعا تختلف من بوتيك لغيره
ويشحن عن طريق DHL وبالنسبه للجمارك طالبه منهم اكثر من اربع مرات ولا قد طلبو لا ضرايب ولا غيره

الوقت عندهم تخفيضات جميله

وهذي بعض المنتجات اللي اعجبتني

بـ820$  يعني تقريبا بـ 3200 ريال 

رابط المنتج

بـ1181$
رابط المنتج

بـ655$ 

بـ644$

رابط المنتج

بـ618$

رابط المنتج

بـ895$

رابط المنتج

وبس اتمنى انكم استفدتوا 

طريقه اسهل للتسوق عبر الانترنت

السلام عليكم ورحمه الله وبركاته

بتكلم اليوم عن موقع سهل لي التسوق عبر الانترنت 

الموقع معروف في التنسيقات اللي هو 

polyvore

اكتشفت انه يسهل 80% من مجهود البحث والحوسه 

غير انه يعطيك المنتج في اكثر من موقع 

فتقدرين تختارين السعر الافضل والاشحن اللي يريحك 

واحيانا تكون القطعه مخلصه بموقع يعطيق مواقع بيديله 

غير انه يسهل عليك بالتنسيق 

وخلال البحث جدا سهل انتي اللي تحددين السعر اللي تبين واللون والنوع 

والتسجيل فيه جدا سهل 

التسجيل احسه مهم ليش وانتي تتفرجين تعجبك قطعه تسوين عليها like تنحفظ عندك وتقدرين ترجعيلها بسهوه 

بعد ما تسجلين 

طبعا لكل عضو ملف تنحفظ فيه تنسيقاته تحت كل تنسيق القطع والمواقع اللي تقدرين تشترين منها 

والعناصر اللي اعجبته 

وتقدرين تصنفين التنسيقات 

هذي مقدمه بس 

*وانا من الناس اللي اكره المقدمات قراءه وكتبابه 

نجلي لزبده الموضوع 

السوق عندنا يجيب الهم والقطع فيه محدوده غير ان الشي الزين يكون سعره مرتفع 

فنلجأ الى التسوق من النت 

طبعا انتي تتسوقيق من عااااااااااااااااااااااااالم كبيره 

فيه الزين وفيه الشي الغالي والرخير 

الموقع اللي انا حطيته لكم يسهل هذا كله 

بدال ما تدورين على المواقع وتبحثين هو يبحثلك وانتي تختارين اللي يناسبك 

وبسسس 

بحاول اضربلكم مثال بسيط 

الـ pajamas

عندنا اسعارها مرتفعه ومحدوده 

حاولت ابحث ونقيتلكم هذا ,,

الحلو فيها سعرها مناسب بـ 48 ريال 

رابط المنتج

قميص بيت جدا جميل ومرتب بـ326 ريال سعره قبل 700وشي 

رابط المنتج

ناعمه بـ 157ريال
رابط المنتج

الالوان جميله بـ 205ريال + 326 ريال
رابط المنتج

الهدف من هذا كله 

تختارين السعر اللي يناسبك 

ذوقك انتي مو مالثيتي غيره او هذا الموجود بالسوق 

وبسس اتمنى انكم استفدتو 

واي استفسار انا حاضره 

fashion

السلام عليكم ورحمه الله وبركاته ..

بسم الله نبدأ اول تدوينه فاشونيه
راح تكون سلسله انزل فيها بعض التنسيقات
وراح اذكر اسعارها والاماكن اللي تقدرون تطلبونه منها

بما ان الان الطلب من النت صار سهل والسوق للاسف يمرض
ومع الاسف صاير قماش واحد منه بلوزه وبدي وتنوره وجكيت وبنطلون لا الاه الا الله عليكم
ولا دبنهامز الفساتين نفسسسسسسس الموديل بس القماش غير

اول تنسيق لزواج او اجتماع كبير
اثنين نفس الشي بس الاول غالي الثاني خليته بديل ارخص

الفستان من versus

تقدرون تطلبونه من
هنا بـ £312.37  سعره بعد الخصم
او من
هنا بـ € 410.00
او من
هنا بـ £325.00

مثل ما تلاحضون فيه فرق بالسعر فحاولي قبل لا تطلبين تقارنين بين المواقع كلها مخفضه لكن بعضها 30% والثاني 40%

الشنطة من

Lytton Coil Metallic Leather Clutch

من هنا بـ $395.00

بصراحه ما تسوى ليش حاطتها مدري بذيك اللحظه اعجبتني بس ما انتبهت لسعرها 

الجزمات  من SERGIO ROSSI

من هنا بـ$350

البديل : 

الشنطه من اولدو 

من هنا بـ 35$

الجزمات من 2b bebe

من هنا ب40$

وبس اتمنى انكم استفدتوا 

طبعا هذه التدوينه انا كتبتها المرات الجايه راح تكون دايركت من موقع polyvore
موقع جمييييييييييييييييييييييييييييييييييييييييل يختصر شي كثير
راح تنزل صوره
اذا ضغطتوا عليها راح ينقلكم للموقع والمواقع اللي تقدرون تشترون منها 

وسلام ..

افضل منظف فرش

السلام عليكم ورحمه الله وبركاته ..

كيفكم ..
ان شاء الله بخير

قررت اليوم انظف فرش مكياجي لكن الغسول مخلص
فرحت ادور عن اي شي بديل
جربت كم غسول لكن حسيت انهم بطيئن لانهم هم اساسا للوجه مو للفرش
الى ان جربت هذا الغسول

طبعا غسول للوجه البشره الدهنيه
عندي قديم وماناسب بشرتي وعطيته فرص كثييييييييره بس للاسف
فجربت اغسل فيه الفرش و كانت الصدمه بصراحه غسول للفرش ممتاز مره وسريع
رجعت الفرش جديييييده مافيها ولا شي
اما الاسفنجه  نقعتها بالمحلول ونظفت بنسبه 80 % بس يظل حلو لاني كنت فاقده الامل فيها انها تنظف

نعيما حبيباتي هههههههه

حبيت اكتب لكم تجربتي علشان اللي طايح بكبدها تستفيد منه ولو شوي ..


وبس اتمنى انكم استفدتوا ..